പേടിക്കാതിരിക്കില്ല…
Tag Archive | "mohanlal"
വല്യവധിയെത്തുന്നു; വമ്പന്ചിത്രങ്ങളും
Posted on 15 March 2010.
വന്താരനിരയുടെ സാന്നിദ്ധ്യമുള്ള വന്ചിത്രങ്ങളില്ലാതെ തിയറ്ററുകള് മാഴ്കിക്കിടന്ന വേനല്വറുതിക്കാലം കഴിയുന്നു. കേരളത്തില് ഏറ്റവും കൂടുതല് ആളുകള് കുടുംബസമേതം തിയറ്ററിലെത്തുന്ന മദ്ധ്യവേനലവധിക്കാലം അഥവാ, വല്യവധി എത്തുന്നതോടെയാണ് തിയറ്ററുകള് താരചിത്രങ്ങളാല് സമ്പന്നമാകുക. സാധാരണ, വേനലവധിക്കുമുന്പുള്ള രണ്ടുമാസക്കാലം ചെറുകിടചിത്രങ്ങളേ തിയറ്ററിലുണ്ടാകാറുള്ളൂ. ഇത്തവണയും അക്കാര്യത്തില് മാറ്റമൊന്നുമുണ്ടായില്ല. ചെറിയ കള്ളനും വലിയ പോലീസും, വലിയങ്ങാടി തുടങ്ങിയ പേരില് മാത്രം വലിപ്പമുള്ള ചിത്രങ്ങളും നന്തുണി, അണ്ണാറക്കണ്ണനും തന്നാലയത്, തുടങ്ങിയ ചില ചിത്രങ്ങളാണ് ഈ മാസങ്ങളില് റിലീസായത്. യുഗപുരുഷനും ബോഡി ഗാഡും ആഗതനും വലിയ ചലനമുണ്ടാക്കിയതുമില്ല. തമിഴില്നിന്നുപോലും വിണ്ണൈത്താണ്ടി വരുവായായും അസ്സലും ഒഴിച്ചാല് വമ്പന്ചിത്രങ്ങള് വന്നില്ല. രസിക്കും സീമാനേ പോലുള്ള ചിത്രങ്ങളാണു വന്നത്. കുട്ടിയും തീരാത വിളൈയാട്ടുപിള്ളൈയും മോശം പ്രതികരണത്തിലൊടുങ്ങി. ചിത്രങ്ങളുടെ കമ്മി മൂലം ആര്യ രണ്ട്, ഗര്ജനം, ദ്രോണ, കിരണ് ബേഡി ഐപിഎസ് തുടങ്ങിയ തെലുഗു, കന്നഡ ഡബ്ബിംഗ് ചിത്രങ്ങളാണു ചാകര പ്രതീക്ഷിച്ചെത്തിയത്. പുറമേ, കഴിഞ്ഞ വര്ഷം റിലീസായ യൂണിവേഴ്സല് സോള്ജ്യര് 3 പോലുള്ള മൂന്നാംകിട ഇംഗ്ലീഷ് റിലീസുകളും. ഏതായാലും ഈ വറുതി അവസാനിക്കുകയാണ്. അവധിക്കാലകളക്ഷന് മുന്നില്ക്കണ്ട് ചിത്രങ്ങള് റിലീസിനൊരുങ്ങിക്കഴിഞ്ഞു.
മാര്ച്ച് 18 – താന്തോന്നി
മാര്ച്ച് 18നെത്തുന്ന താന്തോന്നി എന്ന പൃഥ്വിരാജ് ചിത്രമാണ് റിലീസ് മത്സരത്തില് ആദ്യമെത്തുക. നവാഗതനായ ജോര്ജ് വര്ഗീസ് സംവിധാനം ചെയ്യുന്ന ചിത്രത്തിന്റെ തിരക്കഥ ടി.എ.ഷാഹിദാണ്. കാക്കിക്കു ശേഷം ഷാഹിദ് എഴുതുന്ന പൃഥ്വിച്ചിത്രമാണിത്. ഷീലാ കൗളാണു നായിക. ജഗതി ശ്രീകുമാര്, സുരേഷ് കൃഷ്ണ, വിജയരാഘവന്, സായ്കുമാര്, സുരാജ് വെഞ്ഞാറമ്മൂട്, അനില് മുരളി, ക്യാപ്റ്റന് രാജു, സാദക്, അബു സലിം, രാമു, അംബിക, നിമിഷം, ലക്ഷ്മിപ്രിയ തുടങ്ങിയവരഭിനയിക്കുന്നു. പുതിയ മുഖത്തില് ആരംഭിച്ച ആക്ഷന് ഹീറോ പരിവേഷം പൃഥ്വി തുടരുന്ന ചിത്രമായിരിക്കും ഇത്.
മാര്ച്ച് 25 – ഇന് ഗോസ്റ്റ്ഹൗസ് ഇന്
ലാലിന്റെ രണ്ടാം സംവിധാനസംരംഭമായ ഇന് ഗോസ്റ്റ്ഹൗസ് ഇന്നാണ് മാര്ച്ച് 25നെത്തുന്നത്. ഇന് ഹരിഹര് നഗറിന്റെ മൂന്നാംഭാഗവും റ്റു ഹരിഹര്നഗറിന്റെ തുടര്ച്ചയുമായ ചിത്രമാണിത്. പ്രശസ്തരായ മഹാദേവന്, ഗോവിന്ദന്കുട്ടി, അപ്പുക്കുട്ടന്, തോമസുകുട്ടി സഖ്യത്തെ മുകേഷ്, സിദ്ദിഖ്, ജഗദീഷ്, അശോകന് ടീം ഒരിക്കല്ക്കൂടി അവതരിപ്പിക്കുന്ന ചിത്രത്തിന്റെ രചനയും ലാല് തന്നെ. രോഹിണി, ലെന, റീനാ ബഷീര്, ജെസീന്ത എന്നിവര് ഈ നാല്വരുടെ ഭാര്യമാരായി രംഗത്തെത്തുന്നു. തമ്പി ആന്റണി, ഹരിശ്രീ അശോകന്, നെടുമുടി വേണു, കൊച്ചുപ്രേമന് തുടങ്ങിയവരും ചിത്രത്തിലുണ്ട്. ഇടവേളയ്ക്കുശേഷം ഒഎന്വി കുറുപ്പ് ഗാനരചന നിര്വഹിക്കുന്ന ചിത്രത്തിനു സംഗീതം പകരുന്നത് അലക്സ്പോളാണ്.
മാര്ച്ച് 26 – പ്രമാണി 
മാര്ച്ച് 26ന് പ്രമാണിയെത്തുന്നു. മമ്മൂട്ടിയും പ്രഭുവും സ്നേഹയും ഒന്നിക്കുന്ന ഈ ചിത്രത്തിന്റെ രചനയും സംവിധാനവും മാടമ്പിയൊരുക്കിയ ഉണ്ണിക്കൃഷ്ണന് ബി.യാണ്. ഫഹദ് ഫാസില്, സിദ്ദിഖ്, സുരേഷ് കൃഷ്ണ, ബാബുരാജ്, സുരാജ് വെഞ്ഞാറമ്മൂട്, ജനാര്ദനന്, സലിംകുമാര്, നാരായണന്കുട്ടി, ലക്ഷ്മി, കെപിഎസി ലളിത, പാര്വതി തുടങ്ങിയവരാണു താരനിരയില്.
ഈ സിനിമകള്ക്കു പുറമേ വേറേയും പ്രമുഖചിത്രങ്ങള് മാര്ച്ചിലും ഏപ്രിലിലുമായി റിലീസിനൊരുങ്ങുന്നുണ്ട്.
ജനകന്
മോഹന്ലാലും സുരേഷ് ഗോപിയും ഒന്നിക്കുന്ന ജനകന് മാര്ച്ചിലോ ഏപ്രിലിലോ റിലീസാകും. എന്.ആര്.സഞ്ജീവെന്ന നവാഗതന് എസ്.എന്.സ്വാമിയുടെ രചനയില് ഒരുക്കുന്ന ചിത്രത്തില് ജ്യോതിര്മയി, ബിജു മേനോന്, വിജയരാഘവന്, ഹരിശ്രീ അശോകന്, കൃഷ്ണ തുടങ്ങിയവര് അഭിനയിക്കുന്നു.
സത്യന് അന്തിക്കാടു ചിത്രം
ചിത്രീകരണം പൂര്ത്തിയായി ചിത്രീകരണാനന്തരപ്രവര്ത്തനങ്ങളിലേക്കു കടന്നിരിക്കുന്ന, സത്യന് അന്തിക്കാടിന്റെ ജയറാം ചിത്രവും വല്യവധിക്കാലത്തു റിലീസ് ചെയ്തേക്കും. മംമ്തയാണു നായിക. സത്യന് അന്തിക്കാടു തന്നെ രചനയും നിര്വഹിക്കുന്നു. ഇളയരാജയാണു സംഗീതം.
ക്രിസ്ത്യന് ബ്രദേഴ്സ്
ജോഷി ഒരുക്കുന്ന മള്ട്ടി സ്റ്റാറര് ചിത്രമായ ക്രിസ്ത്യന് ബ്രദേഴ്സും അവധിക്കാലത്തു വന്നേക്കാം. ലാലും ദിലീപും ശരത് കുമാറും ഒന്നിക്കുന്ന ചിത്രത്തില് ലക്ഷ്മി റായ്, കനിഹ, ലക്ഷ്മി ഗോപാലസ്വാമി തുടങ്ങിയവരാണു പ്രധാനസ്ത്രീവേഷങ്ങളണിയുന്നത്. സുരാഝ് വെഞ്ഞാറമ്മൂട്, സലിംകുമാര്, ബാബു ആന്റണി, ശോഭാ മോഹന് തുടങ്ങിയവരഭിനയിക്കുന്ന ചിത്രത്തിലെ നായിക കാവ്യാമാധവനാണ്. രചന ഉദയ് കൃഷ്ണ- സിബി കെ. തോമസ്.
Posted in Featured, ഫീച്ചറുകള്Comments (0)
ലാല് എന്ന അപൂര്വപ്രതിഭ
Posted on 19 February 2010.
പത്തനംതിട്ടയിലെ ഇലന്തൂ
Posted in ഫീച്ചറുകള്, ബെസ്റ്റ് ഓഫ് മോഹന്ലാല്Comments (0)
ബച്ചന് പിച്ചവച്ചെത്തുന്നു: കൊച്ചുകേരളത്തില്
Posted on 09 February 2010.
ഇച്ചിരെ താമസിച്ചാലും ബേണ്ടൂല്ല, ബരുമ്പം മെച്ചത്തില് ബരണം എന്നാണല്ലോ മഹാകവി രജനീകാന്ത് പറഞ്ഞിരിക്കുന്നത്. പുത്തനച്ചിയായി വന്ന് പുരപ്പുറം തൂക്കുകയും കൂടി ചെയ്താല് ഉഷാര്. ഇന്ത്യന് സിനിമയിലെ മേജര് ഉഗ്രനായ ബിഗ് ബി, സാക്ഷാല് അമിതാഭ് ബച്ചന് മലയാളത്തിലെത്തുന്നു. ഇച്ചിരെ താമസിച്ചുപോയി. എന്നാലും വരുന്നത് ഗംഭീരമായിട്ടാണ്. മറ്റൊരു മേജറായ മേജര് രവിയുടെ കാണ്ഡഹാറിലൂടെ കൂടെ അഭിനയിക്കുന്നത് മേജര് മഹാദേവനായി വന്ന് ലെഫ്റ്റനന്റ് കേണലായി മാറിയ മോഹന്ലാലും. മനോരമയുടെ പരിപാടിക്കു വന്നപ്പോള് ലാലേട്ടന്റെ ചോദ്യം കേട്ടപ്പോഴേ ബച്ചേട്ടന് മലയാളം കുരച്ചുകുരച്ചു പരയുമെന്നുറപ്പിച്ചതാണ്. ഇനിയൊന്നേ അറിയാനുള്ളൂ. മലയാളത്തിന്റെ തച്ചനായ തിലകന്റെ കമ്മി ബച്ചന് നികത്തുമോയെന്ന്. ഓര്ക്കുന്നുണ്ടോ, പണ്ട് തച്ചനെത്തട്ടി ഭരത് തട്ടിയെടുത്തയാളാണ് ബച്ചന്. ഏതായാലും മലയാളത്തിലേക്കു വരുമ്പോള് ബച്ചന് സാര്, ജാഗ്രതൈ…. സംഘടനാകാര്യങ്ങളിലൊന്നും കേറി തലയിട്ടേക്കല്ലേ… നിരോധിച്ചു പണ്ടാരടക്കിക്കളയും… അഭിനയം മുട്ടിച്ചുകളയും…
Posted in പരദൂഷണം!...Comments (0)
മമ്മൂട്ടിക്കു പുറകേ ലാലും ഡോക്ടര്
Posted on 02 February 2010.
മമ്മൂട്ടിയെ കേരള സര്വകലാശാല ഡോക്ടറേറ്റു നല്കി ആദരിച്ചതിനു പിന്നാലെ കാലടി ശ്രീ ശങ്കരാ സര്വകലാശാല മോഹന്ലാലിനു ഡോക്ടറേറ്റു നല്കി ആദരിക്കുന്നു. ഇതോടെ മലയാളത്തിന്റെ രണ്ടു മഹാനടന്മാരും ഡോക്ടര്മാരാകുകയാണ്. ഫെബ്രുവരി 12നാണ് ലാലിന് കാലടി സര്വകലാശാല ഡോക്ടറേറ്റു നല്കുന്ന ചടങ്ങ് നടക്കുക.
Posted in സിനിമാ വാര്ത്തകള്Comments (0)
അലക്സാണ്ടര് ദ ഗ്രേറ്റ് ഉടനെത്തും
Posted on 02 February 2010.
മോഹന്ലാല് നായകനായ മുരളിനാഗവള്ളിച്ചിത്രം അലക്സാണ്ടര് ദ ഗ്രേറ്റ് ഉടന് പ്രദര്ശനശാലകളിലെത്തും. യുനിക് ഫിലിംസ് ചിത്രത്തിന്റെ വിതരണം നടത്തുന്നു. ബാല, മീനാക്ഷി ദീക്ഷിത്, നെടുമുടി, സുധാചന്ദ്രന്, ജഗദീഷ് തുടങ്ങിയവരാണു മറ്റു താരങ്ങള്.
Posted in സിനിമാ വാര്ത്തകള്Comments (0)
ഒരുനാള് വരുമില് സമീറ വരും
Posted on 02 February 2010.
ടികെ രാജീവ് കുമാറിന്റെ മോഹന്ലാല് ചിത്രമായ ഒരുനാള് വരുമില് ഹിന്ദി താരം സമീറ റെഡ്ഡി നായികയാകും. ശ്രീനിവാസനും കേന്ദ്രകഥാപാത്രങ്ങളിലൊരാളെ അവതരിപ്പിക്കും. ശ്രീനിവാസന് തന്നെയാണു രചന. ഉദയനാണു താരത്തിനുശേഷം ലാലിനുവേണ്ടി ശ്രീനി ആദ്യമായാണ് എഴുതുന്നത്. സംഗീതം എജി ശ്രീകുമാറാണ്. ക്യാമറ മനോജ് പിള്ള. ഫെബ്രുവരി 18ന് തിരുവനന്തപുരത്ത് ഷൂട്ടിംഗ് തുടങ്ങും.
Posted in സിനിമാ വാര്ത്തകള്Comments (0)
രാജാവിന്റെ മകനുമായി വീണ്ടും ആ ടീം
Posted on 02 February 2010.
രാജീവിന്റെ മകന് ഒരു രണ്ടാംഭാഗം സാദ്ധ്യമല്ലെന്ന് ലാല് ആരാധകര് വിഷമിച്ചതിന് പരിഹാരമാകുന്നു. വിന്സെന്റ് ഗോമസ് എന്ന ലാല്കഥാപാത്രം വെടിയേറ്റു മരിച്ചതുകൊണ്ടാണ് ആ ചിത്രത്തിന് രണ്ടാംഭാഗം സാദ്ധ്യമല്ലാതെ പോയത്. എന്നാല്, രാജാവിന്റെ മകന് അതേ കഥ തന്നെ തന്നെ പുനരവതരിപ്പിക്കാന് ആന്റണി പെരുമ്പാവൂര് ശ്രമിക്കുന്നു. കഥയ്ക്ക് കാലികമായ മാറ്റങ്ങള് വരുത്തും. ഇതിന്റെ ചര്ച്ചകള് പുരോഗമിക്കുന്നു. സുരേഷ് ഗോപിയുടെ ആദ്യറിലീസ് ചിത്രമായ രാജാവിന്റെ മകന് ലാലിനെ താരസിംഹാസനത്തില് പ്രതിഷ്ഠിച്ച ചിത്രമാണ്.
Posted in സിനിമാ വാര്ത്തകള്Comments (0)
ക്രിസ്ത്യന് ബ്രദേഴ്സ് പുരോഗമിക്കുന്നു
Posted on 02 February 2010.
ജോഷിയുടെ പുതിയ ബഹുതാരചിത്രമായ ക്രിസ്ത്യന് ബ്രദേഴ്സ് കൊച്ചിയിലും പരിസരങ്ങളിലും ചിത്രീകരണം പുരോഗമിക്കുന്നു. മോഹന്ലാല് ക്രിസ്റ്റിയാകുന്ന ചിത്രത്തില് സഹോദരന് ജോജിയായി ദിലീപാണ് എത്തുന്നത്. കാവ്യാമാധവനാണു നായിക. പഴശ്ശിരാജയ്ക്കുശേഷം ശരത് കുമാര് അഭിനയിക്കുന്ന മലയാളചിത്രംകൂടിയാണ് ഇത്. സുരേഷ്ഗോപിയും ഈ ചിത്രത്തിലുണ്ടാകും. രചന സിബി കെ തോമസ് ഉദയകൃഷ്ണമാരാണ്. ഇവരും ജോഷിയും ചേര്ന്ന അമ്മച്ചിത്രമായ ട്വെന്റി ട്വെന്റിയിലും ലാലും ദിലീപും സഹോദരങ്ങളായാണ് അഭിനയിച്ചത്. അനില് നായര് ഛായാഗ്രഹണവും ദീപക് ദേവ് സംഗീതവും നിര്വഹിക്കുന്നു. എ വി എ പ്രൊഡക്ഷന്സിനു വേണ്ടി എ വി അനൂപും വര്ണചിത്രയുടെ ബാനറില് മഹ സുബൈറും ചേര്ന്നു നിര്മിക്കുന്ന ഈ മെഗാ ബജറ്റ് ചിത്രത്തിന്റെ എഡിറ്റിംഗ് രഞ്ജന് ഏബ്രഹാമാണ്. സുരാജ് വെഞ്ഞാറമ്മൂട് സായ്കുമാര്, മനോജ് കെ ജയന്, വിജയരാഘവന്, കുഞ്ചന്, സുരേഷ് കൃഷ്ണ, ആനന്ദ്, നിയാസ്, ശോഭാ മോഹന് തുടങ്ങിയവരാണ് താരനിരയില്.
Posted in സിനിമാ വാര്ത്തകള്Comments (0)
- ജഗദീഷ് ചിത്രത്തില് മമ്മൂട്ടിയില്ല
- അരപ്പട്ട കെട്ടിയ ഗ്രാമത്തില് – സക്കറിയ
- യാത്ര – ഉണ്ണിക്കൃഷ്ണന്
- വളിപ്പെങ്കിലും ചിരിപ്പിക്കും ഈ പ്രേതഭവനം
- ആശ്വാസമായി നായകന്
- പ്രമേയില്ലാതെ, പ്രമാണമില്ലാതെ പ്രമാണി
- ഹുന്ഡേ… എ ഡേ ആഫ്റ്റര്…
- രസിക്കും സീമാനേ വിരസമാണേ…
- താന്തോന്നി തോന്നിപ്പിക്കുന്നതെന്തൊക്കെ?
- സുനാമിയായി ഹ്യൂണ്ടേ എ ഡേ ആഫ്റ്റര്
-
anvar: pls contact me anvar.abdullah@gmail.com...
-
Twilight Eclipse: heya exceptional little website you have right her...
-
Thara: H mm..I can say what you told is at least 50% true...
-
-
extenze: It is great to have the opportunity to read a good...
agathan
ajith
ambika
bala
b unnikrishnan
charan
cochin haneefa
dileep
drona
indrajith
in ghost house inn
innocent
jagathy
jagathy sreekumar
jayaram
jayasoorya
kalabhavan mani
kamal
kavya madhavan
lal
malayalam cinema
malayalam film
mammootty
mohanlal
mukesh
my name is khan
navya nair
nayanthara
prabhu
prithwiraj
rasikkum seemane
r sukumaran
sarath kumar
shaji kailas
sharukh khan
shobhana
sneha
sreekanth
suraj venjarammoodu
suresh gopi
tamil film
tanusree dutta
t a shahid
vishal
yugapurushan
Stay up to date
- Subscribe to the RSS feed
- Subscribe to the feed via email
Model of the Week
Cinema News
- Palery Manikyam: Oru Pathirakkolapathakathinte Katha – Intriguing!!
- Gulumaal – Good Fun!!
- PAA – Auro!! Auro!! Auro!! Auro!!
- Top 10 Songs Of the Year – Malayalam
- Paiyaa (Music) – 5 equally good tracks by Yuvan
- Neelathamara Trailer
- Neelathamara – Thank God we have Lal Jose!!
- De Dana Dan – Timepass
- Gulumaal Trailer
- Gulumaal – The Escape (Music) – Stays true to the genre