Posted on 15 March 2010. Tags: alex paul, b unnikrishnan, christian brothers, dileep, iliyaraja, in ghost house inn, in hariharnagar, janakan, jayaram, joshy, kavya madhavan, lakshmi gopalswami, lakshmirai, lal, mamootty, mamtha, mohanlal, o.n.v.kurup, prabhu, pramani, pritwiraj, s.ns.swami, sarath kumar, satyan anthikkadu, sheela koul, siby k. thomas, sneha, suresh gopi, t a shahid, thanthonni, uday krishna
വന്താരനിരയുടെ സാന്നിദ്ധ്യമുള്ള വന്ചിത്രങ്ങളില്ലാതെ തിയറ്ററുകള് മാഴ്കിക്കിടന്ന വേനല്വറുതിക്കാലം കഴിയുന്നു. കേരളത്തില് ഏറ്റവും കൂടുതല് ആളുകള് കുടുംബസമേതം തിയറ്ററിലെത്തുന്ന മദ്ധ്യവേനലവധിക്കാലം അഥവാ, വല്യവധി എത്തുന്നതോടെയാണ് തിയറ്ററുകള് താരചിത്രങ്ങളാല് സമ്പന്നമാകുക. സാധാരണ, വേനലവധിക്കുമുന്പുള്ള രണ്ടുമാസക്കാലം ചെറുകിടചിത്രങ്ങളേ തിയറ്ററിലുണ്ടാകാറുള്ളൂ. ഇത്തവണയും അക്കാര്യത്തില് മാറ്റമൊന്നുമുണ്ടായില്ല. ചെറിയ കള്ളനും വലിയ പോലീസും, വലിയങ്ങാടി തുടങ്ങിയ പേരില് മാത്രം വലിപ്പമുള്ള ചിത്രങ്ങളും നന്തുണി, അണ്ണാറക്കണ്ണനും തന്നാലയത്, തുടങ്ങിയ ചില ചിത്രങ്ങളാണ് ഈ മാസങ്ങളില് റിലീസായത്. യുഗപുരുഷനും ബോഡി ഗാഡും ആഗതനും വലിയ ചലനമുണ്ടാക്കിയതുമില്ല. തമിഴില്നിന്നുപോലും വിണ്ണൈത്താണ്ടി വരുവായായും അസ്സലും ഒഴിച്ചാല് വമ്പന്ചിത്രങ്ങള് വന്നില്ല. രസിക്കും സീമാനേ പോലുള്ള ചിത്രങ്ങളാണു വന്നത്. കുട്ടിയും തീരാത വിളൈയാട്ടുപിള്ളൈയും മോശം പ്രതികരണത്തിലൊടുങ്ങി. ചിത്രങ്ങളുടെ കമ്മി മൂലം ആര്യ രണ്ട്, ഗര്ജനം, ദ്രോണ, കിരണ് ബേഡി ഐപിഎസ് തുടങ്ങിയ തെലുഗു, കന്നഡ ഡബ്ബിംഗ് ചിത്രങ്ങളാണു ചാകര പ്രതീക്ഷിച്ചെത്തിയത്. പുറമേ, കഴിഞ്ഞ വര്ഷം റിലീസായ യൂണിവേഴ്സല് സോള്ജ്യര് 3 പോലുള്ള മൂന്നാംകിട ഇംഗ്ലീഷ് റിലീസുകളും. ഏതായാലും ഈ വറുതി അവസാനിക്കുകയാണ്. അവധിക്കാലകളക്ഷന് മുന്നില്ക്കണ്ട് ചിത്രങ്ങള് റിലീസിനൊരുങ്ങിക്കഴിഞ്ഞു.
മാര്ച്ച് 18 – താന്തോന്നി
മാര്ച്ച് 18നെത്തുന്ന താന്തോന്നി എന്ന പൃഥ്വിരാജ് ചിത്രമാണ് റിലീസ് മത്സരത്തില് ആദ്യമെത്തുക. നവാഗതനായ ജോര്ജ് വര്ഗീസ് സംവിധാനം ചെയ്യുന്ന ചിത്രത്തിന്റെ തിരക്കഥ ടി.എ.ഷാഹിദാണ്. കാക്കിക്കു ശേഷം ഷാഹിദ് എഴുതുന്ന പൃഥ്വിച്ചിത്രമാണിത്. ഷീലാ കൗളാണു നായിക. ജഗതി ശ്രീകുമാര്, സുരേഷ് കൃഷ്ണ, വിജയരാഘവന്, സായ്കുമാര്, സുരാജ് വെഞ്ഞാറമ്മൂട്, അനില് മുരളി, ക്യാപ്റ്റന് രാജു, സാദക്, അബു സലിം, രാമു, അംബിക, നിമിഷം, ലക്ഷ്മിപ്രിയ തുടങ്ങിയവരഭിനയിക്കുന്നു. പുതിയ മുഖത്തില് ആരംഭിച്ച ആക്ഷന് ഹീറോ പരിവേഷം പൃഥ്വി തുടരുന്ന ചിത്രമായിരിക്കും ഇത്.
മാര്ച്ച് 25 – ഇന് ഗോസ്റ്റ്ഹൗസ് ഇന്
ലാലിന്റെ രണ്ടാം സംവിധാനസംരംഭമായ ഇന് ഗോസ്റ്റ്ഹൗസ് ഇന്നാണ് മാര്ച്ച് 25നെത്തുന്നത്. ഇന് ഹരിഹര് നഗറിന്റെ മൂന്നാംഭാഗവും റ്റു ഹരിഹര്നഗറിന്റെ തുടര്ച്ചയുമായ ചിത്രമാണിത്. പ്രശസ്തരായ മഹാദേവന്, ഗോവിന്ദന്കുട്ടി, അപ്പുക്കുട്ടന്, തോമസുകുട്ടി സഖ്യത്തെ മുകേഷ്, സിദ്ദിഖ്, ജഗദീഷ്, അശോകന് ടീം ഒരിക്കല്ക്കൂടി അവതരിപ്പിക്കുന്ന ചിത്രത്തിന്റെ രചനയും ലാല് തന്നെ. രോഹിണി, ലെന, റീനാ ബഷീര്, ജെസീന്ത എന്നിവര് ഈ നാല്വരുടെ ഭാര്യമാരായി രംഗത്തെത്തുന്നു. തമ്പി ആന്റണി, ഹരിശ്രീ അശോകന്, നെടുമുടി വേണു, കൊച്ചുപ്രേമന് തുടങ്ങിയവരും ചിത്രത്തിലുണ്ട്. ഇടവേളയ്ക്കുശേഷം ഒഎന്വി കുറുപ്പ് ഗാനരചന നിര്വഹിക്കുന്ന ചിത്രത്തിനു സംഗീതം പകരുന്നത് അലക്സ്പോളാണ്.
മാര്ച്ച് 26 – പ്രമാണി 
മാര്ച്ച് 26ന് പ്രമാണിയെത്തുന്നു. മമ്മൂട്ടിയും പ്രഭുവും സ്നേഹയും ഒന്നിക്കുന്ന ഈ ചിത്രത്തിന്റെ രചനയും സംവിധാനവും മാടമ്പിയൊരുക്കിയ ഉണ്ണിക്കൃഷ്ണന് ബി.യാണ്. ഫഹദ് ഫാസില്, സിദ്ദിഖ്, സുരേഷ് കൃഷ്ണ, ബാബുരാജ്, സുരാജ് വെഞ്ഞാറമ്മൂട്, ജനാര്ദനന്, സലിംകുമാര്, നാരായണന്കുട്ടി, ലക്ഷ്മി, കെപിഎസി ലളിത, പാര്വതി തുടങ്ങിയവരാണു താരനിരയില്.
ഈ സിനിമകള്ക്കു പുറമേ വേറേയും പ്രമുഖചിത്രങ്ങള് മാര്ച്ചിലും ഏപ്രിലിലുമായി റിലീസിനൊരുങ്ങുന്നുണ്ട്.
ജനകന്
മോഹന്ലാലും സുരേഷ് ഗോപിയും ഒന്നിക്കുന്ന ജനകന് മാര്ച്ചിലോ ഏപ്രിലിലോ റിലീസാകും. എന്.ആര്.സഞ്ജീവെന്ന നവാഗതന് എസ്.എന്.സ്വാമിയുടെ രചനയില് ഒരുക്കുന്ന ചിത്രത്തില് ജ്യോതിര്മയി, ബിജു മേനോന്, വിജയരാഘവന്, ഹരിശ്രീ അശോകന്, കൃഷ്ണ തുടങ്ങിയവര് അഭിനയിക്കുന്നു.
സത്യന് അന്തിക്കാടു ചിത്രം
ചിത്രീകരണം പൂര്ത്തിയായി ചിത്രീകരണാനന്തരപ്രവര്ത്തനങ്ങളിലേക്കു കടന്നിരിക്കുന്ന, സത്യന് അന്തിക്കാടിന്റെ ജയറാം ചിത്രവും വല്യവധിക്കാലത്തു റിലീസ് ചെയ്തേക്കും. മംമ്തയാണു നായിക. സത്യന് അന്തിക്കാടു തന്നെ രചനയും നിര്വഹിക്കുന്നു. ഇളയരാജയാണു സംഗീതം.
ക്രിസ്ത്യന് ബ്രദേഴ്സ്
ജോഷി ഒരുക്കുന്ന മള്ട്ടി സ്റ്റാറര് ചിത്രമായ ക്രിസ്ത്യന് ബ്രദേഴ്സും അവധിക്കാലത്തു വന്നേക്കാം. ലാലും ദിലീപും ശരത് കുമാറും ഒന്നിക്കുന്ന ചിത്രത്തില് ലക്ഷ്മി റായ്, കനിഹ, ലക്ഷ്മി ഗോപാലസ്വാമി തുടങ്ങിയവരാണു പ്രധാനസ്ത്രീവേഷങ്ങളണിയുന്നത്. സുരാഝ് വെഞ്ഞാറമ്മൂട്, സലിംകുമാര്, ബാബു ആന്റണി, ശോഭാ മോഹന് തുടങ്ങിയവരഭിനയിക്കുന്ന ചിത്രത്തിലെ നായിക കാവ്യാമാധവനാണ്. രചന ഉദയ് കൃഷ്ണ- സിബി കെ. തോമസ്.
Posted in Featured, ഫീച്ചറുകള്
Posted on 12 March 2010. Tags: a t abu, aparan, aswathy jayaram, dwani, jayaram, kalidasan, m s viswanathan, malayattoor, padmarajan, parvathi, prem nazir, satyan anthikkad, shobhana, sibi malayil
നടന് ജയറാത്രത്തിലൂടെ.
Posted in Featured, ഫീച്ചറുകള്
Posted on 19 February 2010. Tags: dileep, jayaram, malayalam cinema, mukesh, saikumar
ഒരു നല്ല രാശിയാണെന്നു
Posted in പലരും പലതും
Posted on 02 February 2010. Tags: jayaram, make up man, oneman show, shafi
വണ്മാന്ഷോയ്ക്കു ശേഷം ജയറാമും ഷാഫിയും ഒരുമിക്കുന്നു. മേക്കപ്പ് മാന് എന്നാണു ചിത്രത്തിനു പേരിട്ടിരിക്കുന്നത്. രജപുത്രയാണു നിര്മാണം. ഫെബ്രുവരിയില് ആരംഭിക്കുന്ന ചിത്രത്തിന്റെ രചന സച്ചി സേതുമാരായിരിക്കും.
Posted in സിനിമാ വാര്ത്തകള്
Posted on 02 February 2010. Tags: jayaram, malayalam cinema, mamtha, sathyan anthikkadu
സത്യന് അന്തിക്കാട് അമ്പതിലെത്തുന്നു. വിജയചിത്രങ്ങളുടെ തോഴനായ സത്യന് അന്തിക്കാട് കുറുക്കന് രാജാവായി എന്ന ചിത്രവുമായി 1982ലാണ് സംവിധായകനാകുന്നത്. സത്യന് അമ്പതാംചിത്രത്തില് ജയറാമും മംമ്ത മോഹന്ദാസുമാണ് പ്രധാനതാരങ്ങള്. കോഴിക്കോട് ചിത്രീകരണം ആരംഭിച്ച ചിത്രത്തില് ഇളയരാജയും വയലാര് ശരത്തും സംഗീതവിഭാഗവും ഗാനവിഭാഗവും കൈകാര്യം ചെയ്യുന്നു. കെപിഎസി ലളിതയും ഇന്നസെന്റും മാമുക്കോയയുമടങ്ങുന്ന താരനിര ചിത്രത്തിലുണ്ട്.
Posted in സിനിമാ വാര്ത്തകള്
Posted on 23 January 2010. Tags: jayaram, malayalam actor jayaram
ജയരാമന് സുബ്രഹ്മ
Posted in ഫീച്ചറുകള്
Posted on 18 January 2010. Tags: 2010 januvary release, happy husbands review, inrajith, jayaram, jayasoorya, malayalam film
മിലന് ജലീല് നിര്മിച്ച്, കൃഷ്ണ പൂജപ്പുരയുടെ തിരക്കഥയില് സജി സുരേന്ദ്രന് സംവിധാനം ചെയ്ത ഹാപ്പി ഹസ്ബന്റ്സ് മലയാളികള്ക്കു വേണ്ടിയുള്ള, മലയാളികള്ക്കു മാത്രം വേണ്ടിയുള്ള ചിത്രമാണ്. അങ്ങനെ പറഞ്ഞാലും പൂര്ണ്ണമാവില്ല. കാരണം, എല്ലാ മലയാളികളെയും ഈ ചിത്രം ലക്ഷ്യം വയ്ക്കുന്നില്ല. ഹിന്ദിസിനിമകള് കാണാത്ത മലയാളികള്ക്ക്, അതും അബദ്ധത്തില്പ്പോലും മസ്ത്, നോ എന്ട്രി എന്നീ ഹിന്ദിച്ചിത്രങ്ങള് ണ്ടുപോയിട്ടില്ലാത്ത, പാവം മലയാളിപ്രേക്ഷകര്ക്കു മാത്രമായി സംവരണം ചെയ്യപ്പെട്ട തരത്തില് എടുത്തിട്ടുള്ള സിനിമയാണ് ഹാപ്പി ഹസ്ബന്റ്സ്. കാരണം, അനില് കപൂര്, സല്മാന് ഖാന്, ഫര്ദീന് ഖാന് എന്നീ നായകതാരങ്ങള് ഭര്ത്താക്കന്മാരും ലറ ദത്ത, ഇഷ ഡ്യോള്, സെലീന ജെയ്റ്റ്ലി എന്നിവര് അവരുടെ ഭാര്യമാരും, ബിപാഷ ബസു അവര്ക്കിടയിലേക്കു കടന്നുവരുന്ന ബാര് ഡാന്സറും ആയഭിനയിക്കുന്ന പ്രസ്തുതചിത്രത്തിന്റെ പ്രമേയം മാത്രമല്ല, കഥാസന്ദര്ഭങ്ങളപ്പാടെതന്നെയും ഉപയോഗപ്പെടുത്തി സൃഷ്ടിച്ചിരിക്കുന്ന ചിത്രമാണ് ഹാപ്പി ഹസ്ബന്റ്സ്.
2005ല് അനീസ് ബസ്മിയുടെ സംവിധാനത്തില് പുറത്തിറങ്ങിയ നോ എന്ട്രിയില്നിന്നാണ് ഹാപ്പി ഹസ്ബന്റ്സ് പ്രചോദനമുള്ക്കൊള്ളുന്നതെന്ന് ചലച്ചിത്രത്തിന്റെ പിന്നണിപ്രവര്ത്തകര് പറഞ്ഞുകേട്ടൊന്നുമില്ലെങ്കിലും, ഈ ചിത്രത്തിന്റെ ഷൂട്ടിംഗ് വാര്ത്തകളും മറ്റും കണ്ടപ്പോഴേ ഊഹിച്ചിരുന്നു. എങ്കിലും ആ അടിസ്ഥാനപ്രമേയം സ്വീകരിച്ചുകൊണ്ട്, രസകരമായ വ്യത്യസ്തകഥാസന്ദര്ഭങ്ങള് കൂട്ടിയിണക്കി ഒരു പുതിയ സിനിമയാക്കാനുള്ള ശ്രമമെങ്കിലും തിരക്കഥാകൃത്തിന്റെയും സംവിധായകന്റെയും ഭാഗത്തുനിന്നുണ്ടാകുമെന്നു പ്രതീക്ഷിച്ചിരുന്നു. അങ്ങനെയൊന്നുംതന്നെ ഇല്ലെന്നു ചിത്രം കണ്ടപ്പോള് മനസ്സിലായി. നോ എന്ട്രിയില് കഥാഗതിയില് മാറ്റമുണ്ടാക്കാന് കുളിമുറിയില് പ്രത്യക്ഷപ്പെടുന്ന പാറ്റ വരെ ഈ ഹാപ്പി ഹസ്ബന്റ്സിലും ഉണ്ട്. അതേ പാറ്റ തന്നെയാണോ എന്നറിയില്ല. പണ്ടൊരു പ്രേക്ഷകന് ലോഹിതദാസിന്റെ ഓര്മച്ചെപ്പെന്ന സിനിമകണ്ടിട്ട് ഇങ്ങനെ പറഞ്ഞത്രേ: നാനാ പടേക്കറും ജാക്കി ഷ്രോഫും മനീഷാ കൊയ്രാളയും അഭിനയിച്ച അഗ്നിസാക്ഷി തന്നെയളിയാ, അത്… ആ ലൊക്കേഷന് വരെ കോപ്പിയടിച്ചിരിക്കുന്നു… അതുപോലെയാണ് ഹാപ്പി ഹസ്ബന്റ്സിന്റെയും കാര്യം.
സദാചാരനിരതനും കേരളാടുഡേ മാഗസിന്റെ എംഡിയുമായ മുകുന്ദന് മേനോന് (ജയറാം) ഭാര്യ കൃഷ്ണേന്ദു( ഭാവന)വിന്റെ നിര്ബന്ധത്തിനു വഴങ്ങി, അവളുടെ സുഹൃത്തായ ശ്രേയ (സംവൃത) യുടെ ഭര്ത്താവും സ്ത്രീവിഷയസമര്ത്ഥനുമായ രാഹുലിന്റെ (ഇന്ദ്രജിത്ത്) സൗഹൃദം നേടുന്നതാണ് പടത്തിന്റെ ആദ്യഭാഗം. രാഹുല് മുകുന്ദനെ ഡയാന (റിമ കല്ലിങ്കല്) എന്ന ബാര് ഡാന്സറെ പരിചയപ്പെടുത്തുന്നു. അവള് മുകുന്ദന്റെ ജീവിതത്തില് ഒരു ചുറ്റിക്കെട്ടുവള്ളിയായി പടരാന് ശ്രമിക്കുന്നതും അത് മുകുന്ദന്റെയും കൃഷ്ണേന്ദുവിന്റെയും ജീവിതത്തില് മാത്രമല്ല, രാഹുല് – ശ്രേയ ദമ്പതികളുടെയും, മുകുന്ദന്റെ സഹോദരതുല്യനായ ജോണ് (ജയസൂര്യ)- സെറീന (വന്ദന) ദമ്പതികളുടെയും ജീവിതങ്ങളെ ആകെ ഗുലുമാലാക്കുന്നതുമാണ് ചിത്രത്തിന്റെ ഇതിവൃത്തം. ഇതിവൃത്തം കൂടുതല് അറിയണമെന്നുള്ളവര് നോ എന്ട്രിയുടെ കഥാസാരം ഇന്റര്നെറ്റില് വായിക്കുക. ഈ ചിത്രത്തിന്റെ എഴുത്തുസമയത്ത് ജോണിന്റെ ഭാര്യയായ കഥാപാത്രത്തിന് എന്തുപേരിടണമെന്ന ചര്ച്ചയില് ആ കഥാപാത്രമായി നോ എന്ട്രിയില് അഭിനയിച്ച നടിയുടെ പേരിനോടു സാമ്യമുള്ള പേരാണ് എഴുത്തുകാരന്റെ മനസ്സിലുദിച്ചതെന്നു തോന്നുന്നു. ഹിന്ദിയില് സെലീന നടിച്ച പാത്രത്തിനാണ് ഇവിടെ സെറീന എന്നു പേരു വീണിരിക്കുന്നത്. ഇതില്നിന്നറിയാം, നോ എന്ട്രിയുടെ ഇതിവൃത്തത്തില് ഹാപ്പി ഹസ്ബന്റ്സ് തിരക്കഥാകൃത്തു നടത്തിയ എന്ട്രിയുടെ കഥ.
ഹിന്ദിക്കാര് മലയാളത്തില് അനേകം സിനിമാക്കകള് കൊണ്ടുപോകുന്നുണ്ട്. അതൊക്കെ, മാലോകരോടു തുറന്നുപറഞ്ഞ്, കനത്ത കാശും നല്കിയാണ്. അവിടന്ന് തിരിച്ചിങ്ങോട്ടു പൊക്കുന്നവര് ആ മര്യാദയൊക്കെ പാലിക്കുന്നുണ്ടോ ആവോ. നോ എന്ട്രി എന്ന സിനിമ തന്നെ പെല്ലാം ഊരിലതേ എന്ന തെലുഗുസിനിമയുടെ കഥ കടംകൊണ്ടെടുത്തതാണ്. എന്നാല് നിര്മാതാവ് ബോണി കപൂര് ആ കഥ പണംകൊടുത്തുവാങ്ങിയതാണ്. മാത്രമല്ല, ആ ചിത്രത്തിന്റെ അടിസ്ഥാനകഥയില് വലിയ മാറ്റങ്ങള് വരുത്തിയാണ് നോ എന്ട്രിയുടെ തിരക്കഥ മൗലികമാക്കിയത്. ഇവിടെയും ഒരുപക്ഷേ, ഹാപ്പി ഹസ്ബന്റ്സിന്റെ ആളുകള് അത്തരം അണിയറപ്രവര്ത്തനം നടത്തിയിരിക്കാം. ഏതായാലും നോ എന്ട്രിയുമായോ പെല്ലാം ഊരിലതേയുമായോ ഉള്ള ബന്ധം ഈ ചിത്രവുമായി ബന്ധപ്പെട്ട ആരും പറഞ്ഞുകേട്ടില്ല.
ഹാപ്പി ഹസ്ബന്റ്സ് എന്ന സിനിമ സാമാന്യജനത്തിന് രസിക്കുന്നുണ്ടെന്നാണ് തിയറ്ററിലെ പ്രതികരണത്തില് നിന്നു തോന്നിയത്. ആളുകള് നല്ലതോതില് ആസ്വദിക്കുന്നതും ചിരിക്കുന്നതുമായാണ് കണ്ടത്. എന്നാലും മനംനിറഞ്ഞുചിരിച്ചുപോകുന്ന ഒരു നല്ലതമാശപോലും ചിത്രത്തില് ഇല്ലെന്നതാണു സത്യം. സുരാജിന്റെയും സലിംകുമാറിന്റെയും കോമാളിത്തങ്ങള് ആണു ജനത്തെ ചിരിപ്പിക്കുന്നത്. സലിംകുമാര് ഒന്നുരണ്ടുനിമിഷങ്ങളില് തന്റെ നിലവാരത്തിലേക്കുയര്ന്നു മിന്നിത്തിളങ്ങി. ചിത്രത്തില് രസകരമായ ഒരു മുഹൂര്ത്തം, സെറീനയാണെന്നുകരുതി കൃഷ്ണേന്ദുവിനോടു തന്നെ, തന്നെക്കുറിച്ച് മോശമാക്കി സംസാരിക്കുന്ന രംഗമാണ്. അതില് ജയറാം നാടകീയമായ ആ ഏറ്റുപറച്ചിലിന് നസീര്, ഉമ്മര് മുതല് സോമന് വരെയുള്ള നടന്മാരെ അനുകരിക്കുന്നുണ്ട്. വെറുതെ ഒരു ഭാര്യയിലും ആ മിമിക്രിപ്പാട്ടാണ് ജനത്തെ തിയറ്ററിലെത്തിച്ചത്. ഹാപ്പി ഹസ്ബന്റ്സിന്റെ അണിയറക്കാര്ക്ക് പ്രമോയില് മേല്പ്പറഞ്ഞ ഭാഗം ചേര്ത്ത് പ്രേക്ഷകരെ ആകര്ഷിക്കാവുന്നതാണ്.
നടീനടന്മാര്ക്ക് അവരവരുടെ വേഷം കെട്ടിയാടുക എന്നതിനപ്പുറം പ്രത്യേകിച്ചൊന്നും ചെയ്യാനില്ല. ഇന്ദ്രജിത്തിന്റെ നര്മരംഗങ്ങള് പണ്ട്, കിന്നാരം, കുറുക്കന് രാജാവായി തുടങ്ങിയ ചിത്രങ്ങളിലെ സുകുമാരനെ ഓര്മിപ്പിച്ചു എന്നത് ഒരു ദോഷമായിട്ടാണ് ഇവിടെ പറയുന്നത്. നല്ല ഒരു റോള് ഡയാനയുടേതാണ്. ബിപാഷ അസ്സലാക്കിയ ആ വേഷം റിമയുടെ ശിലാമുഖം തന്നെക്കൊണ്ടാവുംവിധം വിരസമാക്കി. അഭിനയത്തിന് ആവശ്യമായ ഭാവം കൈവശം സ്റ്റോക്കില്ലാത്തതിനാല് റിമയ്ക്ക് അതു പുറത്തുനിന്ന് വരുത്തി ഉപയോഗിക്കാവുന്നതാണ്. അനില്നായരുടെ ക്യാമറയ്ക്ക് ദൃശ്യങ്ങള് പതിച്ചെടുക്കുന്നതിനപ്പുറം ഉദ്ദേശ്യങ്ങളൊന്നുമുള്ളതായി തോന്നിയില്ല. പരമ്പരരംഗത്തുനിന്നു വരുന്ന സംവിധായകര്ക്കു പതിവുള്ളതുപോലെ, മീഡിയം ലോംഗ്ഷോട്ടുകളിലാണ് സജിയുടെ പിടിത്തം. പിന്നെ, നോ എന്ട്രിയില് വലിയ സദാചാരസംഹിതകളൊന്നും അടിച്ചേല്പിക്കുന്നില്ലായിരുന്നു. പക്ഷേ, നമ്മുടെ പാവം മലയാളിപ്രേക്ഷകന് (ശരിക്കും പറഞ്ഞാല് വീട്ടിലിരുന്ന് അവിഹിതം മുഴുവന് സീരിയലില് കണ്ടാസ്വദിച്ച് വല്ലപ്പോഴും തിയറ്ററിലെത്തുന്ന പ്രേക്ഷകയ്ക്ക്) അതു ദഹിച്ചില്ലെങ്കിലോ എന്നുപേടിച്ച് അന്ത്യഭാഗത്ത് സദാചാരത്തെ ചാരംതട്ടിയെടുക്കുന്ന വിദ്യയുണ്ട്. അത് ഡയാനയുടെ ഡയലോഗു വഴിയാണ് സാധിച്ചിരിക്കുന്നത്. വേശ്യയുടെ സദാചാരപ്രസംഗം എന്നൊരു പഴഞ്ചൊല്ല് ഓര്ത്തുപോയി അപ്പോള്.
അവസാനമായി ഇത്രയും പറയാം. നോ എന്ട്രി കണ്ടിട്ടില്ലാത്തവര്ക്കു ചുമ്മാ നേരംപോക്കിനു കാണാവുന്ന സിനിമയാണ് ഹാപ്പി ഹസ്ബന്റ്സ്. ഇത് സാമാന്യവിജയമാകാന് തന്നെയാണിട.
rating – 30/100
Posted in ഫസ്റ്റ് റിപ്പോര്ട്ട് / റിവ്യൂ
