മമ്മൂട്ടി നായകനായി അമര്‍ അക്‌ബര്‍ ആന്റണിയെന്നൊരു ചിത്രം രചനയും സംവിധാനവും ജഗദീഷ്‌ നിര്‍വഹിക്കുന്നു എന്നൊരു വാര്‍ത്ത സജീവമായി രംഗത്തുണ്ടായിരുന്നു. ഇപ്പോള്‍ കേള്‍ക്കുന്നത്‌ ആ ചിത്രം തന്നെ റദ്ദായതായാണ്‌. മമ്മൂട്ടി ചിത്രം താന്‍ ഉദ്ദേശിക്കുന്നതിലും അധികം ബിഗ്‌ബജറ്റാകാന്‍ സാദ്ധ്യതയുള്ളതിനാല്‍ താനാ ചിത്രം വേണ്ടെന്നു വയ്‌ക്കുകയും പകരം മറ്റൊരു ചെറിയ ചിത്രത്തിനുവേണ്ടി നീങ്ങുകയാണെന്നും ജഗദീശ്‌ അവകാശപ്പെടുന്നെങ്കിലും മമ്മൂട്ടി തിരക്കഥ ഇഷ്ടപ്പെടാതെ ചിത്രത്തില്‍നിന്നു മാറിയതാണെന്നും കേള്‍ക്കുന്നുണ്ട്‌. ഏതായാലും ജഗദീഷ്‌ ചിത്രത്തില്‍ മമ്മൂട്ടി ഉണ്ടാകില്ലെന്നുറപ്പായി. മോഹന്‍ലാലിനെ നായകനാക്കി അധിപന്‍ എന്ന ചിത്രത്തിനടക്കം പല ചിത്രങ്ങള്‍ക്കും രചന നിര്‍വഹിച്ച ആളാണ്‌ ജഗദീഷ്‌. ഈയിടെ വന്ന ഏപ്രില്‍ ഫൂളിന്റെയും തിരക്കഥ ഇദ്ദേഹത്തിന്റേതായിരുന്നു.

korean ചിത്രമായ ഹ്യൂണ്ടേ എ ഡേ ആഫ്‌റ്റര്‍ ഇന്നുമുതല്‍ പ്രദര്‍ശനം തുടങ്ങുന്നു. 2012 എന്ന വമ്പന്‍ ചിത്രത്തിലെ സുനാമിദൃശ്യങ്ങളെ കടത്തിവെട്ടുന്ന സുനാമിയുമായി എത്തുന്ന ചിത്രമെന്നതാണ്‌ പരസ്യവാക്യം. അവസാനത്തെ മുക്കാല്‍മണിക്കൂറെങ്കിലും സുനാമിദൃശ്യങ്ങളാണു ചിത്രത്തിലുള്ളത്‌.
റിലീസ്‌ കേന്ദ്രങ്ങള്‍
തിരുവനന്തപുരം – ശ്രീവിശാഖ്‌
കോട്ടയം – അനുപമ
ആലപ്പുഴ – സീതാസ്‌
പാലക്കാട്‌ – അരോമ
കോഴിക്കോട്‌ – ക്രൗണ്‍
തൃശൂര്‍ – രാഗം
കൊല്ലം – ആരാധന
ആറ്റിങ്ങല്‍ -യമുന
ചങ്ങനാശേരി – അപ്‌സര
തലശേരി – ലിബര്‍ട്ടി
കണ്ണൂര്‍ – സാഗര
ഷൊര്‍ണൂര്‍ – സുമ

യുവനായകന്‍ വീണ്ടും ആഞ്ഞടിക്കുന്നു എന്ന പരസ്യവാക്യവുമായി പൃഥ്വിരാജിന്റെ താന്തോന്നി ഇന്നുമുതല്‍. ഈ ചിത്രത്തിന്റെ വിജയപരാജയങ്ങള്‍ പൃഥ്വിയുടെ കരിയറില്‍ ചലനങ്ങളുണ്ടാക്കുമെന്നു കരുതപ്പെടുന്നു. ടി.എ.ഷാഹിദ്‌ എഴുതുന്ന ചിത്രത്തിന്റെ സംവിധായകന്‍ ജോര്‍ജ്‌ വര്‍ഗീസ്‌ എന്ന നവാഗതനാണ്‌. ഷീലാ കൗള്‍ നായികയാകുന്നു. മുട്ടാന്‍ വരുന്നവരോടെല്ലാം ഒടക്കാന്‍ നില്‍ക്കുന്ന വടക്കന്‍ വീട്ടില്‍ കൊച്ചുകുഞ്ഞായിട്ടാണ്‌ പൃഥ്വി ഈ ചിത്രത്തില്‍ അഭിനയിക്കുന്നത്‌.

പ്രമുഖറിലീസ്‌ സെന്ററുകള്‍
തിരുവനന്തപുരം – അജന്ത, കൃപ
എറണാകുളം – കവിത, പത്മ
പാലക്കാട്‌ – പ്രിയദര്‍ശിനി
കോഴിക്കോട്‌ – കൊറോണേഷന്‍, അപ്‌സര
കോട്ടയം – ആനന്ദ്‌
കണ്ണൂര്‍ – സവിത, സമുദ്ര
കൊല്ലം – പ്രണവം
ചങ്ങനാശേരി – അഭിനയ
ചാലക്കുടി – അക്കരെ
ചാലക്കുടി – അഗസ്‌ത്യ
മൂവാറ്റുപുഴ – ഐസക്‌
മാനന്തവാടി – വീണ
കാഞ്ഞങ്ങാട്‌ – വിനായക
കാസര്‍ഗോഡ്‌ – സമ്രാട്ട്‌
അടൂര്‍ – നയനം
തൊടുപുഴ – വിസ്‌മയ
ആലപ്പുഴ – റെയ്‌ബാന്‍ സിനിമ, പങ്കജ്‌
മലപ്പുറം – പത്മം
ഷൊര്‍ണൂര്‍ – ഗീത
കൊച്ചി – കോക്കേഴ്‌സ്‌
പാല – യൂണിവേഴ്‌സല്‍
തലയോലപ്പറമ്പ്‌ – പ്രഭൂസ്‌
കല്‌പറ്റ – അനന്തവീര
മഞ്ചേരി – നര്‍ത്തകി
ഷൊര്‍ണൂര്‍ – അനുരാഗ്‌
ചേര്‍ത്തല – ചിത്രാജ്ഞലി
ഇരിട്ടി – ന്യൂ ഇന്ത്യ

ഇടവേളയ്‌ക്കുശേഷം ഇന്ദ്രജിത്ത്‌ നായകനാകുന്ന നായകന്‍ എന്ന ചിത്രം ഇന്നുമുതല്‍ പ്രദര്‍ശനം ആരംഭിക്കുന്നു. അന്തരിച്ച നടന്‍ ജോസ്‌ പെല്ലിശ്ശേരിയുടെ മകന്‍ ലിജോ ജോസ്‌ പെല്ലിശ്ശേരിയാണു സംവിധാനം. ചിത്രത്തില്‍ ആക്ഷന്‍ ഹീറോ വേഷമാണ്‌ ഇന്ദ്രജിത്തിന്‌. അന്തരിച്ച നടന്മാരുടെ മക്കള്‍ നായകനും സംവിധായകനുമാകുന്ന ചിത്രമാണിതെന്നു പറയാം.
മോഹന്‍ലാല്‍ വില്ലന്‍വേഷങ്ങളില്‍നിന്നു നായകവേഷങ്ങളിലേക്കു മാറിയകാലത്ത്‌ ബാലു കിരിയത്ത ലാലിനെ നായകനാക്കി നായകന്‍ എന്നപേരില്‍ ഒരു ചിത്രമെടുത്തിട്ടുണ്ട്‌. ആ ചിത്രത്തിലൂടെയാണ്‌ ലാല്‍ നായകപ്പട്ടത്തിലേക്കുള്ള പ്രയാണമാരംഭിച്ചതെന്ന്‌ ബാലു കിരിയത്ത്‌ അവകാശപ്പെടുന്നു. മണിരത്‌നത്തിന്റെ സംവിധാനത്തില്‍ കമല്‍ഹാസന്‍ നായകന്‍ എന്ന ചിത്രത്തിലഭിനയിച്ചിട്ടുണ്ട്‌. ആ ചിത്രത്തിലൂടെ കമല്‍ മഹാതാരമായി വളരുകയും ദേശീയ അവാര്‍ഡു നേടുകയും ചെയ്‌തു. മണിരത്‌നത്തിന്റെ ഇന്നത്തെ നിലയിലേക്കുള്ള വളര്‍ച്ചയുടെ ആദ്യപടിയും ആ ചിത്രമായിരുന്നു. ഇനി ഇന്ദ്രജിത്തിന്റെ ഊഴമാണ്‌. നായകനിരയിലേക്കുള്ള വളര്‍ച്ചയുടെ പടികയറ്റം.
നായകന്‍ എത്തുന്ന പ്രമുഖകേന്ദ്രങ്ങള്‍
തിരുവനന്തപുരം – രമ്യ
എറണാകുളം – ശ്രീധര്‍
കോഴിക്കോട്‌ – ഡേവിസണ്‍
തൃശൂര്‍ – ഗിരിജ
പാലക്കാട്‌ – ന്യൂ ആരോമ
കൊല്ലം – ആരാധന
പാലാ – മഹാറാണി
ആലപ്പുഴ – സാസ്‌ ശാന്തി
കണ്ണൂര്‍ – സരിത
തലശേരി – പ്രഭ
ചാലക്കുടി – സുരഭി
ആലുവ – മാധുര്യ
കാസര്‍കോഡ്‌ – മെഹബുബ്‌
കല്‍പറ്റ – വിജയ
തളിപ്പറമ്പ്‌ – ന്യൂ ഹരിഹര്‍
മണ്ണാര്‍ക്കാട്‌ – മക്കാസ്‌
പൊന്നാനി – ലക്ഷ്‌മി
ചേര്‍ത്തല – പാരഡൈസ്‌
സുല്‍ത്താന്‍ ബത്തേരി – രാഗം

മലയാളത്തില്‍ ഒരുതം മേനോന്‍ എന്നാണെന്നതാണ്‌.

ഇടവേളയ്‌ക്കുശേഷം കെ.ബി. മധു ഒരുക്കുന്ന ചിത്രത്തില്‍ സുരാജ്‌ നായകനാകും. ഡ്യുപ്ലിക്കേറ്റിനുശേഷം കൈനിറയെ നായകവേഷങ്ങളുള്ള സുരാജ്‌ വെഞ്ഞാറമ്മൂടിന്റെ പ്രതീക്ഷാനിര്‍ഭരമായ പ്രൊജക്‌ടാണിത്‌. വാമനപുരം ബസ്‌ റൂട്ട്‌, ആനച്ചന്തം എന്നീ ചിത്രങ്ങള്‍ക്കു തിരക്കഥയൊരുക്കിയ സുധീഷ്‌ ജോണ്‍ ടീമിന്റേതാണു രചന. സീനായ്‌ മൂവീസ്‌ ഇന്റര്‍നാഷണലിന്റെ ബാനറില്‍ ഷിജോയ്‌ വര്‍ഗീസ്‌ ആണു നിര്‍മാണം.

ലിയോ തദേവൂസ്‌ സംവിധാനം

ഗോപീചന്ദും ഭാവനയും പ്രധാനവേഷത്തില്‍ എത്തുന്ന ചിത്രമായ ഗര്‍ജനം തിയറ്ററുകളിലെത്തി. കന്നഡയില്‍ ഇറങ്ങിയ ചിത്രത്തിന്റെ മലയാളം മൊഴിമാറ്റമാണ്‌ കേരളത്തിലെ തിയറ്ററുകളില്‍ പ്രദര്‍ശിപ്പിക്കുന്നത്‌. ഭാവന പതിവില്‍ക്കവിഞ്ഞ ഗ്ലാമര്‍ പ്രകടനം നടത്തിയിരിക്കുന്നതായി പോസ്റ്ററുകള്‍ പറയുന്നു. എങ്കിലും ഇതൊരു ഗോപീചന്ദ്‌ ആക്ഷന്‍ ചിത്രമാണെന്നും അണിയറക്കാര്‍ അവകാശവാദമുന്നയിക്കുന്നുണ്ട്‌. ഭാവനയും ഗോപീചന്ദും ഒന്നിക്കുന്ന രണ്ടാത്തെ ചിത്രമാണിത്‌.

നവ്യയുടെ തമിഴ്‌ചിത്രമായ രസിക്കും സീമാനേ തിയറ്ററുകളിലെത്തി. നവ്യ ഗ്ലാമറസായി അഭിനയിച്ചിരിക്കുന്നു എന്നതാണ്‌ ചിത്രത്തിന്റെ പ്രത്യേകതയായി വിതരണക്കമ്പനിക്കാര്‍ പോസ്റ്ററുകള്‍ മുഖേന മലയാളികളെ കൊട്ടിയറിയിക്കുന്നത്‌. ശ്രീകാന്ത്‌ ചിത്രത്തില്‍ നവ്യയുടെ നായകന്‍.

ഹരിനാരായണന്‍ സംവിധാനം ചെയ്‌ത ചിത്രമായ നന്തുണി പ്രദര്‍ശനത്തിനെത്തി. വിജയരാഘവന്‍ ഒരു നീണ്ട ഇടവേളയ്‌ക്കുശേഷം മുഖ്യകഥാപാത്രത്തെ അവതരിപ്പിക്കുന്ന ഈ ചിത്രം മുന്‍കാല വിജയരാഘവന്‍ ഹിറ്റായ ദേശാടനത്തെ ഓര്‍മിപ്പിക്കുംവിധം വികാരനിര്‍ഭരരംഗങ്ങളുള്ള ക്ലീന്‍ കുടുംബചിത്രമാണ്‌. സ്റ്റുഡന്‍സ്‌ ഓണ്‍ലിയിലൂടെ പ്രശസ്‌തനായ ഗോവിന്ദന്‍കുട്ടിയും ഒരു തത്തുല്യപ്രധാനകഥാപാത്രത്തെ അവതരിപ്പിക്കുന്ന നന്തുണിയില്‍ നായിക പുതുമുഖമാണ്‌. കേരളത്തിലെ പ്രമുഖകേന്ദ്രങ്ങളില്‍ നന്തുണി പ്രദര്‍ശിപ്പിച്ചുവരുന്നു.